Azyq-túlik kelisim shart korporatsııasy aýyl sharýashylyqtaryna 10 mlrd. teńgeden astam qarjy bóldi
ASTANA. QazAqparat - «Azyq-túlik kelisim shart korporatsııasy» UK» AQ 2016 jylǵy 26 mamyrdaǵy jaǵdaı boıynsha áleýmettik-kásipkerlik korporatsııalardan (ÁKK) kelip túsken kepildikter boıynsha aýyl sharýashylyq taýarlaryn óndirýshilerden (AShTÓ) astyqty forvardtyq satyp alý baǵdarlamasy boıynsha agrarshylardy 10,2 mlrd. teńge somaǵa qarjylandyrdy.
AShTÓ qajetti qujattardyń barlyǵyn usynǵannan keıin jáne olardyń talaptarǵa sáıkestigi anyqtalǵan soń, ótinimder bar bolǵany 1-2 kún ishinde qarastyrylatynyn atap ketken jón. Sondaı-aq, ÁKK kepildikterin usynǵannan keıin 1-2 kún ishinde qarjy aýyl sharýashylyqtaryna aýdarylady.
Munyń aldynda habarlanǵandaı, osy baǵdarlama aıasynda aǵymdaǵy jyly respýblıkalyq bıýdjetten 14 mlrd. teńge bólinip jáne shamamen 2,3 mln. ga egis alqabyn qarjylandyrýǵa jiberiledi. AShTÓ jasalǵan sharttary boıynsha 2016 jylǵy 1 qarashaǵa deıingi merzim ishinde Azyq-túlik kelisim shart korporatsııasyna astyqty jetkizip berý arqyly óz mindettemelerin oryndaýy tıis.
«Azyq-túlik kelisim shart korporatsııasy» ulttyq kompanııasy» AQ negizgi qyzmeti - astyq naryǵyndaǵy saýda-satyp alý operatsııalaryn iske asyrý, ishki naryqty turaqtandyrýǵa jáne otandyq astyq óndirýshilerdi qoldaýǵa qatysý, bırjalyq astyq saýdasynyń damýyna jáne qazaqstandyq astyq eksporty kóleminiń ósýine qoldaý kórsetý. Kompanııanyń jalǵyz aktsıoneri «QazAgro» ulttyq basqarýshy holdıngi» AQ bolyp tabylady.
