Azyq-túlik kelisim-shart korporatsııasy 1 mln. tonnadan astam arzandatylǵan astyqty óńirlerge tıedi
ASTANA. 5 maýsym. QazAqparat - «Azyq-túlik kelisim shart korporatsııasy» ulttyq kompanııasy» aktsıonerlik qoǵamy (Azyq-túlik kelisim-shart korporatsııasy) óńirlerge arzandatylǵan astyqty tıeýdi jalǵastyrýda.
Bul týraly kompanııanyń baspasóz qyzmeti habarlady.
Jalpy alǵanda, 2012 jyldyń tamyzynan bastap 2013 jylǵy maýsymnyń basyna deıingi kezeńde bir tonnasy 28 000 teńgeden belgilengen baǵada 1,1 mln. tonnadan astam arzandatylǵan astyq óńirlerge tıeldi.
2013 jylǵy 5 maýsymdaǵy málimetter boıynsha elimizdiń óńirlerine 1 mln. 100 myń tonnadan astam: onyń ishinde astyqty qaıta óńdeıtin uıymdarǵa - 870 myń tonnadan astam, qus fabrıkalaryna - 205 myń tonna, shoshqa ósiretin sharýashylyqtarǵa - 28,4 myń tonna arzandatylǵan astyq tıeldi.
Ótken jylǵy qurǵaqshylyq saldarynyń aldyn alý maqsatynda QR ekonomıkasyn jańǵyrtý máseleleri jónindegi memlekettik komıssııanyń 2012 jylǵy 23 shildedegi sheshimi boıynsha, QR Aýyl sharýashylyǵy mınıstrligi, «QazAgro» holdıngi» AQ, Qazaqstan astyq óńdeýshiler odaǵy, Astana, Almaty qalalarynyń jáne oblys ákimdikteriniń arasynda 1 surypty unǵa, 1 surypty qalypty nanǵa baǵany turaqtandyrý jónindegi sharalar týraly, sonymen qatar mal sharýashylyǵynda mal basynyń azaıýyn boldyrmaý sharalary jónindegi memorandýmǵa qol qoıylǵanyn esterińizge salamyz.
Sonymen birge Azyq-túlik kelisim-shart korporatsııasy men Qazaqstan shoshqa ósirýshiler qaýymdastyǵy, sondaı-aq Azyq-túlik kelisim-shart korporatsııasy, Qazaqstan qus ósirýshiler odaǵy jáne ákimdikter arasynda arzandatylǵan astyq jetkizýge memorandýmdar jasaldy.
Atalǵan memorandýmdardyń sheńberinde 1,6 mln. tonnadan astam, onyń ishinde un tartatyn uıymdarǵa - 1,3 mln. tonna, qus fabrıkalaryna - 264 myń tonnadan astam, shoshqa ósiretin sharýashylyqtarǵa - 47 myń tonnaǵa jýyq arzandatylǵan astyq keıinge saqtaldy. Tıeý kezeńi - 2012 jyldyń 1 tamyzynan bastap 2013 jyldyń 1 tamyzyna deıin.
Astyq jergilikti atqarýshy organdarmen anyqtalǵan un tartatyn uıymdarǵa jiberiledi. Qus fabrıkalary men shoshqa ósiretin sharýashylyqtarǵa Qazaqstan qus ósirýshiler odaǵy jáne Qazaqstan shoshqa ósirýshiler qaýymdastyǵymen belgilengen tıisti kólemderde astyq bólinedi.
Qazaqstan qus ósirýshiler odaǵynyń bastamasy boıynsha jáne QR ekonomıkasyn jańǵyrtý máseleleri jónindegi memlekettik komıssııanyń sheshimine sáıkes qus fabrıkalaryna budan buryn bekitilgen 153 myń tonna astyq kólemi 264 myń tonnaǵa ulǵaıtyldy. Jalpy alǵanda, qus ósiretin sharýashylyqtardyń astyqqa jyldyq qajettiligi 500 myń tonnadan astam kólemdi quraıdy, olardyń jartysynan kóbi Azyq-túlik kelisim-shart korporatsııasynyń arzandatylǵan astyǵy esebinen qamtamasyz etiledi.
«Azyq-túlik kelisim shart korporatsııasy» ulttyq kompanııasy» AQ negizgi qyzmeti memlekettik astyq resýrstary men odan qaıta óńdelgen ónimderdi satyp alýdy, qalyptastyrýdy, esepke alýdy, saqtaýdy, jańartýdy, ornyn aýystyrýdy, satýdy uıymdastyrýdy qamtamasyz etý, sondaı-aq Qazaqstannyń Úkimetimen belgilengen basqa da qyzmetter bolyp tabylady. Kompanııanyń jalǵyz aktsıoneri «QazAgro» ulttyq basqarýshy holdıngi» AQ bolyp tabylady.
