Azyq-túlik qaýipsizdigi jónindegi ıslam uıymynyń áleýetin tıimdi iske asyra alamyz - Prezıdent
«Azyq-túlik qaýipsizdigi basym baǵyt bolyp qala beredi. Qazaqstan Arab elderine aýyl sharýashylyǵy taýarlaryn eksporttaý kólemin ulǵaıtýǵa múddeli. Sondaı-aq, onyń qurylymyn ártaraptandyrýǵa nıetti. Elimiz – álemde bıdaı men un óndiretin eń iri on memlekettiń biri. Arab áriptesterimizdiń «organık» jáne «halal» ónimderin óndirý, óńdeý jáne sertıfıkattaý tájirıbesi men múmkindigi mol. Sondyqtan olarǵa suranys joǵary. Osy oraıda standarttardy, tehnıkalyq retteý jáne sertıfıkattaý júıesin úılestirý mańyzdy», - dedi Memleket basshysy.
Prezıdent bul baǵyttaǵy jumysty jalǵastyrý qajet ekenin atap ótti.
«Azyq-túlik qaýipsizdigi jónindegi ıslam uıymynyń áleýetin paıdalanyp, bul mindetterdi tıimdi iske asyra alamyz. Uıymnyń qazirgi Tóraǵasy retinde belsendi jumys júrgizip jatqany úshin Qatar basshylyǵyna shynaıy rızashylyǵymdy bildiremin. Sondaı-aq onyń qyzmetin jandandyrýǵa Saýd Arabııasynyń zor úles qosqanyn aıryqsha atap ótkim keledi. Jahandyq azyq-túlik qaýipsizdigin nyǵaıtý óte mańyzdy. Osy saladaǵy yntymaqtastyqty keńeıtý úshin Aýyl sharýashylyǵy mınıstrleriniń kezdesý tetigin qurýdy usynamyn», - dedi Qasym-Jomart Toqaev.
