Azyq-túlik qaýipsizdigi jónindegi Islam Uıymy Bas Assambleıasynyń tórtinshi sessııasy ótedi
Іs-shara «Post-pandemııalyq álemdegi Islam Yntymaqtastyǵy Uıymynyń azyq-túlik júıeleri» taqyrybymen onlaın formatta ótedi.
Іs-shara aıasynda mınıstrlik sessııasynyń delegattaryna arnalǵan Qazaqstan Respýblıkasynyń Prezıdenti Qasym-Jomart Kemeluly Toqaevtyń alǵy sózi oqylyp, Bas Assambleıa sheńberinde uıymǵa tóraǵalyq etý quqyǵy Túrkııa Respýblıkasynan Qazaqstan Respýblıkasyna bir jyl merzimge beriledi dep josparlanǵan.
Jıynǵa Islam Yntymaqtastyǵy Uıymynyń (IYU) Bas Hatshysynyń ekonomıkalyq máseleler jónindegi Orynbasary A.Sengendo, Qazaqstan Respýblıkasynyń Aýyl sharýashylyǵy mınıstri E.Qarashókeev, Túrkııa Respýblıkasynyń Aýyl jáne orman sharýashylyǵy mınıstri B. Pakdemırlı, Azyq-túlik qaýipsizdigi jónindegi Islam uıymynyń Atqarýshy keńesiniń Tóraǵasy A. Alhoveısh, AQIU bas dırektory E.Baıdáýlet, sondaı-aq Islam Yntymaqtastyǵy Uıymyna qatysýshy jáne baıqaýshy elderiniń mınıstrleri, vıtse-mınıstrleri, IYU ınstıtýttarynyń jáne basqa da halyqaralyq uıymdardyń birinshi basshylary jáne qatysýshy elderdiń azyq-túlik qaýipsizdigi máselelerine jaýapty basqa da delegattary qatysady.
Kún tártibinde AQIU-ǵa jańa elderdiń qosylýy týraly, 2020 jylǵy qarjylyq eseptilikti bekitý týraly, buryn qabyldanǵan strategııalyq baǵdarlamalardyń iske asyrylý barysy týraly jáne Bas Assambleıa otyrystarynyń 2-shi jáne 3-shi qararlarynyń oryndalý barysy týraly máseleler, ınstıtýtsıonaldyq jáne ákimshilik-sharýashylyq máseleler qaralady. Sondaı-aq, uıymnyń 2031 jylǵa deıingi 10 jyldyq strategııasy tanystyrylyp, talqylanady.
