Azyq-túlik ımportyna táýeldilikti joıý úshin 900 ınvestıtsııalyq joba júzege asyrylady

NUR-SULTAN. QazAqparat – Azyq-túlik taýarlary ımportyna táýeldilikti joıý úshin 900 ınvestıtsııalyq joba júzege asyrylady. Bul týraly Halyqtyń tabysyn arttyrý baǵdarlamasyn tanystyrǵan QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Importtalatyn azyq-túlik taýarlaryn 100 paıyz otandyq ónimmen almastyrýdy negizgi maqsat tutyp otyrmyz. Búginde 80 paıyz azyq-túlikpen ózimizdi ózimi qamtyp otyrmyz. Bir sózben aıtqanda, 20 paıyzyn syrttan ákelýge májbúrmiz. Bolashaqta, 2025 jylǵa deıin taýardyń 6 túrin tolyqtaı jabýǵa múmkindigimiz bolady», - dedi Úkimet basshysynyń orynbasary Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, tek qantpen ishki naryqty qamtamasyz etý 80 paıyz deńgeıinde qalady.

«Al basqa elderge táýeldi bolyp otyrǵan azyq-túlik taýarlaryn atalǵan baǵdarlamany júzege asyrý barysynda 100 paıyz qamtamasyz etemiz. Azyq-túlik taýarlary ımportyna táýeldilikti joıý úshin 900 ınvesıtsııalyq joba júzege asyrylady», - dedi Eraly Toǵjanov.