Azyq-túlik ımporty alǵash ret tómendeı bastady - A. Mamytbekov
«Byltyr shetelden Qazaqstanǵa aýyl sharýashylyǵy taýarlarynyń ımporty azaıdy. Azyq-túlik ımporty 6,2 paıyzǵa kemidi, al Eýrazııalyq ekonomıkalyq odaq elderinen keletin taýarlar 10 paıyzǵa tómendedi. Importty almastyrý baǵytynda oń damý bar, máselen et ımporty 42,3 paıyzǵa, jumyrtqa úsh ese, kartop eki esege, qııar 4,8 esege azaıdy. Onyń ústine eksportymyz ósip keledi. Byltyr biz alǵash ret et jáne et ónimderiniń 12 myń tonnasyn eksporttadyq, onyń 7 myńy sıyr eti. Sondaı-aq óńdelgen et ónimderiniń eksporty da ósýde. Shujyq jáne et konservileriniń eksporty tıisinshe 9 jáne 2 ese ósti. Shetelge sútti jetkizý kólemi de alty esege artty», - dedi ol.
Onyń aıtýynsha, Reseı men Qazaqstan valıýta baǵamdarynyń aıyrmashylyǵyna qaramastan, bundaı jaǵymdy ahýal bıyl da saqtalyp otyr.
«2015 jyldyń eki aıy ishinde 620 tonna taýyq eti eksporttaldy. Byltyr eki aıda onyń kólemi tek 141 tonna bolatyn. Byltyr syr men irimshik eksporty bolmaǵan edi, bıyl ol 316 tonnany qurady. Bul - 2013 jyly qabyldanǵan Agrobıznes-2020 baǵdarlamasynyń alǵashqy nátıjeleri», - dep túıdi sózin mınıstr.