Azyq-túlik dúkenine jasalǵan qaraqshylyq shabýyldyń izi sýymaı ashyldy - Almaty ІІD
ALMATY. 5 qyrkúıek. QazAqparat /Ádilet Musahaev/ - Jaqynda Shý qalasynan kelgen eki jigit keshkilik ýaqytta "Aınabulaq" shaǵynaýdanyndaǵy azyq-túlik satatyn dúkenniń arnaıy kúzetshisiniń bolmaǵanyn paıdalanyp,
jas satýshy qyzdy pyshaqpen qorqyta otyryp, satylymnan túsken aqshasyn alyp ketken.
"Satýshy qatty qoryqqannan olardyń birinshi talabyn oryndap, kassadaǵy 110 myń teńgeni bergen. Shabýyldaýshylar qoldaryna aqsha tıisimen ol aradan jasyrynýǵa tyrysqan, alaıda jaqyn mańda ótip bara jatqan «Býran» sholǵynshy-ekıpajynyń nazaryna iligedi. Kúdiktiler boı tasalaý úshin úı aýlalaryna qaraı júgiredi, biraq ta tártip saqshylary bul ekeýiniń biraz mınýt buryn qylmystyq iske barǵanyn bilmesten quryqtady", -deıdi Jetisý ІІB-nyń bastyǵy polıtsııa podpolkovnıgi Qanat Taımerdenov.
Aýdandyq ishki ister basqarmasyna jetkizilgen kúdiktilerdiń jeke isi tekserilip jatqanda olardyń qylmys jasaǵandyǵy anyqtalǵan. "Aýdandyq ishki ister basqarmasyna kelgen satýshy ózine pyshaq kezegen qylmyskerlerdi birden tanydy. Olardyń jeke múlkin tergeý barysynda satýshydan tartyp alynǵan aqshalar shyqty. Al pyshaqty tártip saqshylaryn kórgen sátte kóshe jıegindegi aryqqa tastaǵan. Ol qazir alynyp, qylmystyq iske tirkeldi", -dedi Q.Taımerdenov.
Ustalǵan ekeýdiń de jasy 26-da. Aıtýlarynsha, Almatyǵa úsh kún buryn kelgen. Alaıda polıtseıler olar basqa qylmystaryn búrkemeleý úshin ótirik aıtýlary múmkin degen oıda.
