Azyq-túlik dúkenderi qalypty rejımde jumys isteıdi - Aqmola oblysy
KÓKShETAÝ. QazAqparat - Azyq-túlik dúkenderi sanıtarlyq normany kúsheıte otyryp, shtattyq rejımde jumysyn jalǵastyra beredi. Áleýmettik mańyz bar taýarlardyń tapshylyǵy joq. Bul týraly Aqmola oblystyq kásipkerlik jáne ónerkásip basqarmasynyń basshysy Erbol Ospanov aıtty, dep habarlaıdy QazAqparat tilshisi.
Basqarma basshysynyń sózinshe, óńirde ákimdikpen birlese otyryp azyq-túlik qaýipsizdigin qamtamasyz etý úshin sharalar qoldanylýda.
«Sondyqtan, jappaı taýarlardy satyp alýdyń qajeti joq. Al belgili bir taýarlar jetispegen jaǵdaıda turaqtandyrý qory tartylatyn bolady», deıdi Erbol Ospanov.
Aıta keteıik, jergilikti atqarýshy organdar baǵalardy kúndelikti baqylaýda. Azyq-túlik bazarlary men dúkenderi («Small», «Jeke-Batyr») sanıtarlyq jáne dezınfektsııa sharalaryn kúsheıte otyryp qalypty jaǵdaıda jumys isteıtinin eske salamyz.
Kıim bazarlary saǵat 11:00-den 17:00-ge deıin, al meıramhana, ashanalar 22:00-ge deıin jumys isteıdi. Sondaı-aq, kelýshiler sany 50 adamnan aspaýǵa tıisti.
