Azyq-túlik baǵasynyń negizsiz ósýine jol bermeý úshin tıisti sharalar júrgizilýde - A. Lýkın
ASTANA. QazAqparat - Azyq-túlik baǵasynyń negizsiz ósýine jol bermeý úshin tıisti sharalar atqarylyp jatyr. Bul týraly búgin Ortalyq kommýnıkatsııalar qyzmetindegi baspasóz máslıhatynda Astana ákiminiń orynbasary Andreı Lýkın málim etti.
Onyń sózine qaraǵanda, QR Aýyl sharýashylyǵy mınıstrligimen birlese bıylǵy qańtar men qazan aralyǵynda Astananyń astyq óndiretin kásiporyndaryna memlekettik rezervten bekitilgen baǵamen azyq-túlik bıdaıyn jetkizý baǵdarlamasy iske asyrylýda. Aǵymdaǵy jyly osy baǵdarlamaǵa «Tsesna Astyq» jáne «Tabys 2009» sekildi astyq óńdeıtin eki kásiporyn qatysýda.
Sonymen qatar naryqta baǵany qadaǵalaý maqsatynda qala ákimdigi men saýda nysandary arasynda memoradýmdar bekitildi.
Bıyl atalǵan memorandýmǵa jıyrmadan astam kásiporyndar, bazarlar men sýpermarketter, saýda jelileri qol qoıdy. Osy oraıda ónimniń túrine qaraı ústemeniń kólemi shamamen 10-15 paıyzdy qamtyp otyr.
Munymen qosa, ákimdik óndirilgen ónimge baǵanyń negizsiz ósýine jol bermeý boıynsha Aqmola oblysynyń iri óndirýshilerimen jáne Qazaqstan qus ósirýshileri qaýymdastyǵymen memorandýmdar bekitken eken.
Osy oraıda A. Lýkın atalǵan memorandýmdardaǵy talaptardyń oryndalýyn aıqyndaý maqsatynda saýda nysandarynda bólshek baǵalarǵa kúndelikti monıtrıng júrgizilip jatqandyǵyn atap ótti.
