Azyq-túlik baǵasynyń negizsiz óskeni týraly habarlaý kerek - mınıstr

NUR-SULTAN. QazAqparat - Aýyl sharýashylyǵy mınıstri Saparhan Omarov azyq-túlik baǵasynyń negiz ósken jaǵdaıda qazaqstandyqtardy osy fakti jaıynda habarlaýǵa shaqyrdy, dep habarlaıdy QazAqparat tilshisi.

«Bizde tıisti tetikter eskerilgen. Osy arqyly Saýda mınıstrligi men Aýyl sharýashylyǵy mınıstrligi taýar baǵasyna baqylaý júrgize alady. Bul turǵyda azyq-túlik baǵasynyń kúrt kóterilýine jol bermeý eskeriledi», - dedi mınıstr Parlament Májilisinde tilshiler saýalyna jaýap bere otyryp.

Onyń atap ótýinshe, búginde elimiz dúkenderi qajetti taýarlarmen qamtamasyz etilgen.

«Dúkenderdegi sóreler bos turǵan joq. Bizde koll ortalyq bar ekenin habarlaǵan bolatynbyz. Árbir qazaqstandyq atalǵan koll ortalyqqa habarlasyp, sebepsiz joǵarylaǵan ónim baǵasy týraly aıta alady. Óz kezegimizde osy faktini birden tekseremiz», - dedi S. Omarov.

Budan buryn habarlanǵandaı, Aýyl sharýashylyǵy mınıstri negizgi azyq-túlik taýarlarynyń 29 túri boıynsha turaqty túrde monıtorıng júrgizilip jatqanyn aıtty.

Sonymen qatar Saparhan Omarov qoımalardaǵy azyq-túlik qory qaı kólemde ekenin málim etti.