16:13, 19 Qańtar 2022 | GMT +6
Azyq-túlik baǵasyna monıtorıng jasaý: 2175 ótinish tústi
NUR-SULTAN. QazAqparat - Tótenshe jaǵdaı kezinde Básekelestikti qorǵaý jáne damytý agenttiginiń baǵa máselesi boıynsha qurylǵan «jedel jelige» 2175 ótinish kelip tústi, dep habarlaıdy QazAqparat.
Shaǵymdar 2022 jylǵy 8-19 qańtarda iri saýda jelileri men sýpermarketterde áleýmettik mańyzy bar tamaq ónimderine, avtogaz, benzın, dızel otyny jáne taksı qyzmetteri men agregatorlary qyzmetterine negizsiz joǵary baǵaǵa baılanysty túsken.
Azamattardyń barlyq ótinishteri qaralyp, monopolııaǵa qarsy organ óz quzyreti boıynsha jumysqa qabyldady, birqatar ótinishter jergilikti atqarýshy jáne basqa ýákiletti organdarǵa berildi.
2022 jylǵy 19 qańtardan bastap, elimizde tótenshe jaǵdaı rejıminiń toqtatylýyna baılanysty, Básekelestikti qorǵaý jáne damytý agenttiginiń «jedel jeli» júıesiniń jumysy aıaqtaldy.
Azamattardyń odan ári ótinishteri zańnamada belgilengen tártippen qabyldanatyn bolady.
