Azyq-túlik baǵasy bir jylda 24 paıyzǵa qymbattady

ASTANA. QazAqparat – Bıyl qarasha aıynyń qorytyndysyda azyq-túlik taýarlary bir aıda 1,8 paıyzǵa, bir jylda 24,1 paıyzǵa qymbattady, dep habarlaıdy QazAqparat tilshisi.

Energyprom.kzportalynyń málimetinshe, aı saıynǵy dınamıka boıynsha azyq-túlik taýarlary baǵasynyń eń kóp aılyq ósimi Ulytaý oblysynda baıqaldy - 2,4 paıyz. Odan keıin elorda men Jambyl oblysynda da aıtarlyqtaı ósti. ıAǵnı, ár óńirde 2,2 paıyzǵa qymbattady.

Jyldyq dınamıka boıynsha sektordaǵy baǵanyń eń kóp ósýi Mańǵystaý oblysynda tirkeldi - birden 31,4 paıyz. Aqtóbe oblysy men Shymkent ekinshi jáne úshinshi orynda - ár óńirde 25,8 paıyz. Eń az jyldyq ósim Shyǵys Qazaqstan oblysynda tirkeldi - 22,6 paıyz.

Jemister men kókónister bir jylda 17,4 paıyz qymbattady. Onyń ishinde jańa pisken jemisterdiń quny bir jylda 18,9, kókónister 11 paıyzǵa ósti.

Jemister ishinde banan birden 45,8 paıyzǵa qymbattap, kelisi 867 teńgege, apelsın 26,2 paıyzǵa qymbattap, 959 teńgege, alma 11,3 paıyzǵa qymbattap, 528 teńgege, lımon 8,6 paıyzǵa qymbattap, 1,2 myń teńgege, keptirilgen órik 65,4 paıyzǵa qymbattap, 3,8 myń teńgege jetti.

Kókónisterdiń ishinde qııar jylyna birden 30,8 paıyzǵa qymbattap kelisi 691 teńgege, pııaz 26,5 paıyzǵa qymbattap, 116 teńgege, qyzanaq 14,4 paıyzǵa qymbattap, 678 teńgege, kartop 9,9 paıyzǵa qymbattap, 155 teńgege jetip otyr. Aq qyryqqabat (16,5 paıyz), sábiz (4,6%) jáne qyzylsha (1,3%) arzandady.

Et, onyń ishinde et ónimderi bir jylda 16,1 paıyzǵa qymbattady. Saýda oryndarynda súıegi bar sıyr etiniń kelisi ortasha eseppen - 2,4 myń teńge, qoı eti — 2,7 myń teńge, shoshqa eti — 2,1 myń teńge, jylqy eti — 3 myń teńgeden satylýda. Taýyq etiniń kelisi — 1,4 myń teńge, taýyq eti — 1,2 myń teńge, qaınatylǵan shujyq — 2,6 myń teńge, jartylaı ystalǵan shujyq — 3,1 myń teńge.

Birinshi sanattaǵy jumyrtqanyń on danasy ortasha eseppen 468 teńge turady. Bul bir jyl burynǵydan 20 paıyz qymbat.

Bir jylda nan baǵasy - 19,3, jarma - 36,8, makaron ónimderi - 42,2, un 43,7 paıyz ósti.

Joǵary surypty unnan jasalǵan bıdaı nanynyń kelisi - 349 teńgeden, birinshi surypty un - 197 teńgeden, qara bıdaı nanynyń kelisi 421 teńgeden satyldy. Joǵary surypty bıdaı uny kelisine - 373 teńge, birinshi suryp — 243 teńge, rojkı — 552 teńge, vermıshel — 561 teńge, kespe 1,1 myń teńgeden saýdalandy.