Azyq-túlik baǵasy Astana men Shymkentte qatty ósken

ASTANA. QazAqparat – Bıylǵy qańtar aıynyń qorytyndysy boıynsha Qazaqstanda azyq-túlik baǵasy bir aıda 1,4 paıyzǵa, bir jylda 25,7 paıyzǵa ósti, dep habarlaıdy QazAqparat tilshisi.

Energyprom.kz portalynyń málimetinshe, bir aıda elorda men Shymkentte 2,2 paıyz deńgeıindegi eleýli ósim baıqaldy. Sonymen qatar baǵanyń aıtarlyqtaı ósýi Qyzylorda, Soltústik Qazaqstan jáne Aqtóbe oblystarynda da tirkeldi.

Jyldyq kórsetkish boıynsha eń joǵary ósim Mańǵystaý oblysynda boldy, ıaǵnı azyq-túlik taýarlary 31,5 paıyzǵa qymbattady. Munymen qosa, osy úshtikke Túrkistan oblysy (plıýs 27,4%) jáne Shymkent qalasy (plıýs 27,2%) kirdi.

Jemister men kókónis jyldyq dınamıkada 21,2%-ǵa qymbattady. Sút ónimderiniń baǵasy bir aıda 1,2 paıyzǵa, al bir jylda 32,4 paıyzǵa kóterildi.

Et jáne et ónimderi bir aıda 0,5 paıyzǵa, jyl ishinde 16,9 paıyzǵa qymbattady. Atap aıtqanda, un baǵasy bir jylda 42,8 paıyzǵa, nan - 19,2 paıyzǵa, makaron ónimderi – 42,3 paıyzǵa, jarma 35,1 paıyzǵa ósti.