Azyq-túlik baǵasy 5,3 paıyzǵa qymbattady - Statıstıka
ASTANA. 1 aqpan. QazAqparat - 2013 jyldyń qańtar aıynda byltyrǵy jylmen salystyrǵanda azyq-túlik baǵasy 5,3 paıyzǵa ósti.
Bul týraly Statıstıka agenttiginiń baspasóz qyzmetinen habarlandy.
Agenttik málimetterine qaraǵanda, 2013 jylǵy qańtarda 2012 jylǵy tıisti aımen salystyrǵanda baǵa unǵa 10,5 paıyzǵa, makaron ónimderine - 8,6 paıyzǵa, jemister men kókónisterge - 6,8 paıyzǵa, kofe, shaı jáne kakaoǵa - 5,6 paıyzǵa, toqash jáne un ónimderine - 5,4 paıyzǵa ósken. Budan bólek, baǵa balyq jáne teńiz ónimderine - 5,2 paıyzǵa, alkogoldi ishimdikterge - 4,8 paıyzǵa, kondıterlik ónimderge - 4,5 paıyzǵa, sút ónimderine - 3,6 paıyzǵa, nanǵa - 2,5 paıyzǵa, maı jáne toń maıǵa - 0,7 paıyzǵa artqan. Sonymen bir mezgilde, baǵanyń tómendeýi jarmalarǵa 24,1 paıyzǵa, al qantqa - 0,2 paıyzǵa baıqaldy.
Sondaı-aq, atalǵan kezeńde et jáne et ónimderi baǵasynyń ósimi 8,1 paıyzdy qurady. Shoshqa etine baǵa deńgeıi 10,5 paıyz, qoı etine - 9,9 paıyz, jylqy etine - 9,7 paıyz, sıyr etine - 9,4 paıyz, qus etine - 5,2 paıyz, shujyq ónimderine - 4,5 paıyzǵa joǵary bolǵan.
