Azyq-túlik baǵalarynyń negizsiz ósýine monıtorıng júrgiziledi - Qazaqstannyń monopolııaǵa qarsy agenttigi
ASTANA. 17 shilde. QazAqparat - QR Básekelestikti qorǵaý agenttigi taǵam ónimderine baǵanyń negizsiz ósýiniń jáne jasandy tapshylyqtyń jolyn kesý boıynsha jumystar atqaratyn bolady.
Bul týraly vedomstvo basshysy Ǵabıdolla Ábdirahymov QR Prezıdentiniń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty baǵdarlamasyn talqylaýǵa arnalǵan selektorlyq májiliste málim etti.
Osy maqsatta agenttiktiń aýmaqtyq bólimshelerine azyq-túlik taýarlary naryǵyndaǵy jaǵdaıǵa turaqty monıtorıng júrgizý tapsyryldy.
Baspasóz qyzmeti taratqan habarlamaǵa súıensek, selektorlyq májilis barysynda Agenttik tóraǵasy Ǵ. Ábdirahymov Memleket basshysy kótergen áleýmettik jańǵyrtýdyń negizgi máselelerine egjeı-tegjeıli toqtaldy jáne agenttik ujymynyń aldynda naqty mindetter belgiledi.
«Osyǵan baılanysty, agenttik tóraǵasy 2012 jyldyń aıaǵyna deıin barlyq salalarda tutynýshylardyń quqyqtaryn qorǵaý máseleleri jóninde agenttiktiń Jumys josparyn ázirleýdi tapsyrdy, sondaı-aq monopolııaǵa qarsy zańnamany buzý, onyń ishinde tutynýshylardyń quqyqtaryn saqtamaý faktilerin anyqtaý jáne jolyn kesý boıynsha jumystardy kúsheıtýdi tapsyrdy», - delingen habarlamada.
