Azyq-túlik baǵalaryna ymyralasý, ústemdik jaǵdaıdy teris paıdalaný, jónsiz básekelestik faktileri boıynsha 48 ákimshilik is qozǵaldy

dep habarlady QR Básekelestikti qorǵaý agenttiginiń baspasóz qyzmetinen.

«Agenttik azyq-túlik taýarlarynyń jekelegen túrlerine baǵanyń ósýine baılanysty, sondaı-aq 2011 jyldan bastap júrgizilgen tekserýler aıasynda áleýmettik mańyzdy azyq-túlik taýarlaryna baǵany ustap turý úshin 80 naryq sýbektisiniń qyzmetin taldady. Nátıjesinde baǵalyq ymyralasý, ústem jaǵdaıdy teris paıdalaný jáne jónsiz básekelestik faktileri boıynsha 48 ákimshilik is qozǵaldy», - delingen baspasóz aqparatynda.

Vedomstvonyń atap ótýinshe, aǵymdaǵy jyly janarmaı ótkizý naryǵynda baǵanyń ósýine baılanysty Agenttik kóterme jáne bólshek saýdada ótkizetin 100-den astam naryq sýbektilerine qatysty monopolııaǵa qarsy zańnamany buzýshylyqtaryna tekserý rásimderi taǵaıyndalǵan. Oǵan qarjy polıtsııasy organdarynyń qyzmetkerleri de tartylǵan.Tekserý kóptegen naryq sýbektileri tarapynan baǵany kóterý jáne janarmaı ótkizý kólemin shekteý úshin ekonomıkalyq negizgi sebepterdiń joq ekendigin kórsetti. Monopolııaǵa qarsy zańnamany buzýdyń barlyq anyqtalǵan faktileri boıynsha kináli tulǵalar zańda belgilengen jaýapkershilikke tartylady.