Azý tistiń joqtyǵy este saqtaý qabiletin nasharlatady
ASTANA. 23 maýsym. QazAqparat - Shvetsııalyq jáne norvegııalyq ǵalymdar tabıǵı azý tisterdiń sany men adamnyń kognıtıvti fýnktsııasy arasynda baılanys baryn anyqtady.
Aýyzda tisterdiń azaıýy este saqtaý qabiletine keri áser etedi eken.
Bul týraly European Journal of Oral Sciences ǵylymı basylymyna silteme jasaǵan Medportal.ru portaly habarlaıdy. Shvetsııanyń Stokgolm jáne Umea ýnıversıtetteri men Norvegııanyń Tromse qalasyndaǵy Klınıkalyq stomatologııa ınstıtýtynyń mamandary 55-80 jas shamasyndaǵy 273 adamnyń densaýlyǵyn teksergen. Bulardyń teń jartysy - áıelder. Ortasha eseppen, respondentterdiń aýzynda 22 tabıǵı tis bolmaǵan. Túsip qalǵan tisterdiń 70%-y - azý. Zertteýge qatysqan adamdardyń aqyl-oı múmkindikteri de synaldy. Sonyń nátıjesinde azý tisi joq adamdardyń este saqtaý qabiletterinde shabandyq baıqaldy. Ǵalymdardyń aıtýynsha, adam tamaqty shaınaǵanda mıdyń gıppokamp atalatyn bóligine yntalandyrǵysh ımpýls barady. Al azý tisi joq adamdarda bul qyzmet baıaýlaıdy. Qarııalardyń este saqtaý qabiletiniń nasharlaýy sodan eken, dep jazady «Alash aınasy» basylymy.
