Azov teńizindegi qaıǵyly oqıǵaǵa baılanysty D.Medvedev RF Bas prokýroryna Kýbandaǵy balalardyń demalys lagerleriniń barlyǵyn tekserýdi tapsyrdy
ASTANA. Shildeniń 8-i. QazAqparat - Azov teńizindegi 6 bala men olardy qutqarýǵa tyrysyp baqqan tárbıeshiniń ólimine baılanysty, Reseı prezıdenti Dmıtrıı Medvedev Bas prokýror ıÝrıı Chaıkaǵa Krasnodar ólkesindegi balalardyń barlyq demalys lagerlerin tekserýdi tapsyrdy.
Azov teńizine batqan balalardy qutqarýǵa umtylyp, mert bolǵan Kýbandaǵy tárbıeshiniń esimi belgili boldy, dep habarlaıdy RBK.
Reseı TJM málimeti boıynsha, Krasnodardaǵy qaıǵyly oqıǵa saldarynan qaza bolǵan №1065-shi «Densaýlyq mektebiniń» 27 jasar muǵalimi Vıtalıı Morozov «Jyl ustazy» baıqaýynyń laýreaty, «Pedagogıkalyq debıýt» atalymynyń jeńimpazy bolǵan.
V.Morozov dene shynyqtyrý pániniń muǵalimi bolyp istegen oqý mekemesi Reseı bilim berý ulttyq jobasynyń ınnovatsııalyq bilim berý mekemesi baıqaýynyń jeńimpazy. Sonymen qatar, № 1065 mektep 2006 jyly RF Prezıdentiniń syılyǵyn utyp alǵan. Bilim berý mekemesi birneshe qaıtara «Jyl tabysy» syılyǵymen de marapattalǵan.
Kýbandaǵy opat bolǵan balalardyń synyptastaryna jáne V.Morozovtyń áriptesterine qaıǵyly oqıǵaǵa baılanysty kómek kórsetý úshin psıhologtar jiberildi.
