Azız Anarmetov «Taraz» jastar komandasynyń bas bapkeri atandy

ASTANA. KAZINFORM — Byltyrǵy fýtbol maýsymynyń teń jartysynda bas bapker mindetin atqarǵan Azız Anarmetov Ekinshi lıgada baq synaıtyn «Taraz» jastar komandasynyń bas bapkeri laýazymyna taǵaıyndaldy.

Bul týraly «Taraz» fýtbol klýbynyń baspasóz qyzmeti habarlady.

1982 jyly dúnıege kelgen Azız Abdrashıtuly Taraz qalasynyń týmasy.

Fýtbolshy retinde kásibı mansabynda «Taraz», «Qaısar», «Oqjetpes», «Lashyn», «Qyzyljar» komandalarynda oınaǵan.

Al 2021 jyly «Taraz» jastar komandasynyń bas bapkeri bolyp qyzmet jasady.

Sondaı-aq, negizi komanda bas bapkeriniń assıstenti retinde birneshe jyl eńbek etti.

2025 jyldyń shilde aıynda negizgi komandanyń bas bapkeri mindetin atqaryp, chempıonatta 11 match ótkizip, onyń 7-de jeńiske jetti. 

Budan buryn Dinmuhambet Súleımenov «Taraz-Omega» fýtzal klýbyna bas bapker bolǵanyn jazǵanbyz.