Azııanyń Olımpıadalyq keńesiniń tóraǵasy Ahmad ál-Sabah Azıadany tamasha uıymdastyrǵany úshin Qazaqstan Prezıdentine alǵys bildirdi
ASTANA. 30 qańtar. QazAqparat - Elbasy Nursultan Nazarbaev Azııanyń Olımpıadalyq keńesiniń prezıdenti sheıh Ahmad ál-Fahad ál-Sabahpen kezdesti, dep habarlady Prezıdenttiń baspasóz qyzmetinen.
Kezdesý barysynda taraptar ekijaqty yntymaqtastyq máselelerin, sondaı-aq 7-Qysqy Azııalyq oıyndardyń ótkizilýin talqylady. Ál-Sabah myrza Azıadany tamasha uıymdastyrǵany úshin Qazaqstan Prezıdentine alǵys bildirdi.
- Qazaqstan Prezıdentin Azııanyń barlyq sporttyq uıymdary men qozǵalystarynyń atynan el táýelsizdiginiń 20 jyldyq mereıtoıymen quttyqtadym», - dep atap kórsetti sheıh ál-Sabah jýrnalısterge bergen brıfıngte.
