Azııanyń eń baı adamy AQSh-ta kınoteatrlardyń iri jelisiniń ıesi boldy
ASTANA. QazAqparat - Nıý-Iorktegi Nasdaq bırjasynda Carmike Cinemas kınojelisi aktsııalarynyń quny dúısenbi kúni onyń qytaılyq magnat Van Tszıanlınniń ıeligindegi AMC Entertainment atty basqa jelisiniń ıeligine ótip jatqany týraly belgili bolǵan soń 16,5 paıyzǵa jýyq ósti.
Qytaılyq Dalian Wanda konglomeraty Carmike Cinemas-ty 1,1 mıllıard dollarǵa satyp alǵan.
AMC Entertainment kompanııasy AQSh-tyń búkil aýmaǵynda 8380 ekranǵa ıe, ekinshi orynda turǵan Regal Entertainment-tyń ıeliginde 7361 ekran bar.
Van Tszıanlın Azııada ekinshi jyl qatarynan eń dáýletti adam retinde atalyp otyr. Forbes onyń baılyǵyn 28 mıllıard dollarǵa baǵalaýda. Ol sondaı-aq «Atletıko» (Madrıd) fýtbol klýbynyń 20 paıyzyna ıe, dep jazady Bı-bı-sı.
