Azııalyq jazǵy paralımpıada oıyndarynda qazaqstandyqtar 6 sport túrinde óner kórsetti
ALMATY. 20 jeltoqsan. QazAqparat /Erlik Erjanuly/ - Búgin túnde 12-19 jeltoqsannyń kúnderi Qytaıdyń Gýanchjoý qalasynda ótken Azııalyq jazǵy paralımpıada oıyndaryna qatysqan Qazaqstan quramasy mingen ushaq Úrimshiden Almatyǵa kelip qonady.
Bul jarysta Qazaqstan namysyn - otyryp oınaıtyn voleıbol, jeńil atletıka, paýerlıftıng, júzý, atý jáne ústel tennısinen 47 sportshy qorǵady. Onyń 32-si erler, 15-i áıelder.
12-17 qarasha kúnderi bolǵan XVI jazǵy Azııa oıyndary ótken sport nysandarynda ótken bul baıraqty básekede qazaqstandyqtar 21 sport túriniń 6-ýynda ǵana synǵa tústi. Osyǵan qaramastan olar jalpykomandalyq esepte 40 eldiń ishinen 23-oryn aldy. Onda úzdik úshtikke Qytaı, Japonııa jáne Ońtústik Koreıa quramalary endi. El qorjynyna túsken 2 kúmisti bul dodada erkin ádispen 50 metrge júzýden Ánýar Ahmetov pen 100 metrge bras ádisimen júzýden Egor Býjenko ıelendi. Sondaı-aq olar erkin ádispen 100 metrge júzý kezinde qola júldeger atandy. Mundaı mártebege jeńil atletterden Amanat Qalqaev pen Islam Sálimov jáne paýerlıftıngten Qabıra Asqarova da ıe boldy. Jalpy Gýandchjoýdaǵy jazǵy paralımpıada oıyndarynyń júldegerleri 2012 jyly Londonda ótetin paralımpıada oıyndarynyń joldamasyn ıelendi.
