«Azııalyq nobel syılyǵy» 18 maýsymda tabystalady
ASTANA. QazAqparat - "Azııalyq nobel syılyǵy" - Tan tuńǵysh ret sársenbi kúni, 18 maýsymda «turaqty damý» nomınatsııasynda jeńimpaz atanǵan adamǵa tabystalady, dep habarlaıdy RIA Novostı. Syıaqyny taıvandyq mıllıarder Samýel In taǵaıyndady.
Nobel syılyǵynyń azııalyq balamasyn uıymdastyrýǵa 100 mıllıon dollar bólindi. Qalǵan úsh atalym boıynsha jeńimpazdar maýsymnyń 17-nen 21-i aralyǵynda anyqtalmaq. Ár jeńimpazǵa uıymdastyrýshylar 1,7 mıllıon dollardan bermek. Samýel Inniń sózine qaraǵanda, «azııalyq nobel syılyǵy» Nobel syılyǵyn qaıtalaý emes. Atalǵan syılyq 100 jyl buryn taǵaıyndalǵan edi. Ol kezdegi problemalardy 21 ǵasyrda adamzat tap bolǵan máselelermen salystyrýǵa kelmeıdi.
