«Azııalyq Býkerdi» qytaılyq jazýshy Sý Týnniń romany aldy
ASTANA. Qarashanyń 20-sy. QazAqparat - «Azııalyq Býkerdiń» - The Man Asian Literary Prize-niń - ıegeri 2009 jyl qytaılyq jazýshy Sý Týn «The Boat to Redemption» («Arylý qaıyǵy») romany úshin ıe boldy,
dep habarlaıdy QazAqparat Associated Press saıtyna silteme jasap.
Syılyq saıtyndaǵy annotatsııaǵa saı «The Boat to Redemption» romanynda Qytaı Kommýnıstik partııasy sheneýniginiń ómiri sıpattalady. Onda keıipker ózin tóńkeris qaharmanynyń urpaǵyna balap, jalǵandy jalpaǵynan basyp ómir súredi jáne onyń ótirigi áshkerelengen soń boı tasalaýǵa májbúr bolady. Qýǵynǵa ushyraǵan jáne ómirin túbegeıli ózgertken burynǵy partııalyq fýnktsıoner óz ulymen birge ózende qaırańdap qalǵan barjany qonys etedi.
Sý Týn reseılik oqyrmandarǵa jaqsy tanys. Onyń «Sońǵy ımperator» degen romany 2008 jyly jarııalanǵan bolatyn. Sý Týnniń «Áıel jáne kánızaktar» atty hıkaıaty Chjan Imoýdyń rejısserligimen túsirilgen «Qyzyl fonardy kóter» fılminiń stsenarııine negiz boldy.
The Man Asian Literary Prize syılyǵy Azııa elderi avtorlarynyń aǵylshyn tiline aýdarylǵan, biraq áli jarııalanbaǵan kitaptaryna beriledi. Roman-jeńimpazdyń avtoryna - 10 myń AQSh dollary, al osy kitapty aǵylshynshalaǵan aýdarmashyǵa 3 myń dollar beriledi.
The Man Asian Literary Prize syılyǵy 2007 jyly taǵaıyndalǵan bolatyn. «Azııalyq Býkerdiń» tuńǵysh syılyǵyna qytaılyq jazýshy Tszıan Rong «Uıalastar totemi» (Wolf Totem) romany úshin ıe boldy.
