Azııalyq biliktilik týrnırinde qazaqstandyq balýandar tórt medal qanjyǵalady - Tashkent
AShKENT. Mamyrdyń 1-i. QazAqparat /Qurmat Samarhan/ - Grek-rım kúresi boıynsha qazaqstandyq balýandar Tashkentte ótken Azııalyq biliktilik týrnırinde 4 medal qanjyǵalady.
Ózbekstan elordasynda jasóspirimder arasynda grek-rım jáne erkin kúresten Azııalyq biliktilik týrnıri ótip jatqanyn QazAqparat budan buryn habarlaǵan bolatyn. Azııanyń onshaqty elinen jınalǵan palýandar Sıngapýrde jasóspirimder arasynda ótetin birinshi jazǵy Olımpıadalyq oıyndarynyń lıtsenzııalaryn sarapqa saldy.
Atap aıtqanda, 69 kelige deıingi salmaqta Taraz ókli Ábýnasyr Ómirzaq aqtyq jekpe-jekte ırandyq qarsylasy Haderıan ıÝsýfty jeńip, altyn medaldy jeńip aldy. Sondaı-aq, 42 keli salmaqta óner kórsetken soltústikqazaqstandyq Aqan Baımaǵambetov pen 58 keli salmaqta kúresken Jasulan Ómirzaqov kúmisten alqa taqty. Al 50 kelige deıingi salmaqta boz kilemge shyqqan tarazdyq Abylaı Medeýov qola medaldy qanaǵat tutty.
Búgin, senbi kúni tústen keıin kilemge Qazaqstan quramasynyń qyzdary shyǵady.
