Azııadaǵy jańa múmkindikterdi Qazaqstan barynsha paıdalanady - Qaırat Kelimbetov
«Qazaqstanda tek Sıngapýr ǵana emes, sonymen qatar basqa da elderdegi aldyńǵy qatarly tájirıbe de eskerilýde. Ár salada úzdik modelderdi qamtýǵa tyrysamyz. Meniń oıymsha, bul turǵyda negizgi baǵyt Qazaqstan Prezıdentiniń tujyrymdamalyq qujattarynda qamtylǵan, ıaǵnı 5 ınstıtýtsıonaldyq reformany júzege asyrýdaǵy «100 naqty qadamnyń» aıasyndaǵy aýqymdy sharalardyń mańyzy zor. Ózderińiz bilesizder, Qazaqstan munaı óndirýshi el retinde keńinen tanymal. Shıkizattyq ónim taýaryna táýeldi bolmas úshin, bizge ekonomıkany ártaraptandyrýmen belsendirek aınalysý kerek. Bul qadamdar munaı baǵasynyń tómendeýinen emes, jahandyq ekonomıkadaǵy barsha paradıgmanyń ózgerýine oraı jasalyp otyr, ıaǵnı kómirsýtekten damýdyń turaqty joldaryna mán birilýde»,-dep toqtaldy Kelimbetov forým aıasyndaǵy «Azııa «ekonomıkalyq keremetiniń» qupııasy» atty májilis barysynda.
Osy oraıda ol búginde Azııada jańa múmkindikterdiń paıda bolýyna baılanysty Qazaqstan qyzmet kórsetý salasynda úlken naryqtarǵa baǵyt alyp otyrǵanyn sóz etti.
«Eýropa men Qytaı arasyn tranzıttik múmkindiktermen jalǵaıtyn portal bolamyz, alaıda tek tranzıttik el atanbaı, sonymen qatar basqa da múmkindikterdi paıdalanamyz. Jaqyn arada Qytaıda 300 mln adam ortasha sanatqa jetedi, óz kezeginde bul adamdar qyzyqty jerlerge saparmen baryp, joǵary sapaly azyq-túlik ónimderin alýǵa talpynady. Bul rette Qazaqstan óziniń týrıstik baǵdarlamasymen, aýyl sharýashylyǵy ónerkásibimen jáne taýarlyq resýrstarymen qarjylyq, sondaı-aq basqa da servısterde óńirlik habqa aınala alady»,-dedi Qaırat Kelimbetov.
Bul turǵyda ol «Astana» halyqaralyq qarjy ortalyǵynyń da róli erekshe bolatynyn qadap aıtty.
