Azııadaǵy ózara is-qımyl jáne senim sharalary jónindegi keńeske 30 jyl

NUR-SULTAN. QazAqparat – Azııadaǵy ózara is-qımyl jáne senim sharalary jónindegi keńestiń óńirdegi beıbitshilikti, qaýipsizdik pen turaqtylyqty nyǵaıtýdaǵy róli mańyzdy. Uıymnyń 30 jyldyǵyna oraı ótken otyrysta Ulttyq qorǵanys ýnıversıtetiniń bastyǵy, general-maıor Lut Álshekenov osyndaı oı aıtty, dep habarlaıdy QazAqparat.

«Birlesken belsendi qımyldar uıym jumysyn tıimdi ári pármendi etedi. Eger tıimdi is-qımyl men pármendi áreket iske asyp jatsa, Azııada sheshilmeıtin problemalar bolmaıdy dep oılaımyn. Munyń mańyzdy ekenin túsiný bizdiń kontınenttiń jáne búkil jer júziniń keleshegine degen senimdi nyǵaıta túseri anyq», - dedi Lut Álshekenov.

Azııadaǵy ózara is-qımyl jáne senim sharalary jónindegi keńestiń 30 jyldyǵyna oraı, Ulttyq qorǵanys ýnıversıtetinde ótken otyrysqa Keńes hatshylyǵynyń atqarýshy dırektory Qaırat Sarybaı, áskerı attasheler men 14 memlekettiń qorǵanys vedomstvolarynyń ókilderi qatysty.

Semınar aıasynda delegatsııa músheleri Almatydaǵy bitimgerlik daıyndyq oqý ortalyǵynda bolyp, oqý ortalyǵynyń ınfraqurylymymen tanysty.