Azııadaǵy qaýipsizdik - jahandyq qaýipsizdiktiń negizin quraıdy - Prezıdent

ASTANA. QazAqparat - AÓSShK-ni tolyqqandy halyqaralyq uıymǵa aınaldyrý eskerilip otyr. Bul týraly Astanadaǵy Azııadaǵy ózara is-qımyl jáne senim sharalary keńesiniń sammıtinde sóz sóılegen Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«AÓSShK qurylǵannan beri múshe memleketter joǵary deńgeıdegi bes kezdesý men alty mınıstrlik kezdesýin ótkizdi. Osy oraıda Keńes protsesine belsendi saıası qoldaý kórsetildi. AÓSShK-ge ár jyldary Qazaqstan, Túrkııa, Qytaı jáne Tájikstan tóraǵalyq etti. Osyǵan deıingi tóraǵalyqtan keıin 10 jyl ótken soń Qazaqstan qazirgi tóraǵalyǵynda birqatar órshil basymdyqtardy belgiledi. Bul turǵyda AÓSShK-ni tolyqqandy halyqaralyq uıymǵa aınaldyrý eskerilip otyr», - dedi Qasym-Jomart Toqaev.

Osy oraıda Memleket basshysy osy uıymdy memleketterdiń múddelerin ózara qurmetteý qaǵıdattaryna baǵyttalǵan azııalyq qaýipsizdik júıesiniń mańyzdy quramdas bóligi retinde qarastyratynyn atap ótti.

«Azııadaǵy qaýipsizdik - jahandyq qaýipsizdiktiń negizin quraıdy», - dedi Prezıdent.