Azııadaǵy qaýipsizdik máselesinde Qasym-Jomart Toqaevtyń pikiri paıdaly ári qyzyq– Pýtın
SOChI. QazAqparat – Azııadaǵy qaýipsizdik sharalaryn qamtamasyz etý máselesinde Qasym-Jomart Toqaevtyń pikiri paıdaly ári qyzyq. Bul jaıynda Reseı Prezıdenti Vladımır Pýtın Sochıde QR Prezıdenti Qasym-Jomart Toqaevpen ekijaqty kezdesý barysynda aıtty, dep habarlaıdy QazAqparat tilshisi.
Eki eldiń kóshbasshylarynyń kezdesýi «Valdaı» Halyqaralyq pikirtalas klýbynyń XVI jylsaıynǵy otyrysy alańynda ótti. V.Pýtın Qasym-Jomart Toqaevqa klýbtyń otyrysyna qatysqany úshin rızashylyǵyn bildirdi.
«Uzaq jyldaryn dıplomatııalyq qyzmetke arnaǵan adam retinde Sizdiń pikirińizdi bilý biz úshin óte qyzyqty bolar edi. Siz bul salada kásibı mamansyz. Búgingi halyqaralyq arenadaǵy jaǵdaıǵa, ásirese, qaýipsizdik salasyna baılanysty Sizdiń pikirińiz biz úshin óte paıdaly ári qyzyq», - dedi V.Pýtın.