Azııadaǵy eń baı adamnyń esimi belgili boldy
ASTANA. QazAqparat - Qytaılyq iri Alibaba Group Holding Ltd. ǵalamtor-holdınginiń negizin qalaýshy Djek Ma Azııanyń eń baı adamy atandy. Bloomberg-tiń habarlaýynsha, onyń baılyǵy 28,6 mlrd. dollardy quraǵan.
1999 jyly ǵalamtor saýdasy boıynsha kompanııanyń negizin quraǵan aǵylshyn tiliniń burynǵy oqytýshysy aǵymdaǵy jyly 25 mlrd. dollar tabys tapqan. «Alibaba» aktsııalarynyń bıylǵy jyldyń qyrkúıeginde alǵash ret shyǵarylýy ýaqytynan keıin holdıngtiń kapıtaldandyrylýy 259 mlrd. dollardy qurady. Bul jaǵdaı ony ǵalamtor kommertsııasy salasynda álemdegi eń baı kompanııa etti. Djek Ma dáýletiniń jartysynan kóp bóligi - 16,3 mlrd. dollar onyń Alibaba-daǵy aktsııalaryna keledi.
Buǵan deıin Azııanyń eń baı adamy bolyp dáýleti 28,3 mlrd. dollarǵa baǵalanatyn Gonkong mıllıoneri, 86 jastaǵy Lı Kashın sanalyp kelgen edi. Ol Bloomberg agenttiginiń bul reıtınginde 2012 jyldyń sáýirinen basty oryn alǵan.
