Azııadaǵy eń uzyn úńgirden alyp pandanyń 52 súıegi tabyldy

ASTANA. KAZINFORM – Qytaıdyń Gýıchjoý provıntsııasynyń Sýııan ýezindegi Shýanhe úńgirinen alyp pandanyń 52 súıegi tabyldy, dep habarlaıdy Sınhýa.

Bul Shýanhe úńgirin olja sany boıynsha álemdegi eń baı orynǵa aınaldyrdy. Bul týraly juma kúni úńgirlerdi zertteýge arnalǵan 24-shi halyqaralyq ǵylymı ekspedıtsııanyń qorytyndysyna arnalǵan baspasóz konferentsııasynda habarlandy.

Atalǵan 52 qazbanyń altaýy sońǵy ǵylymı ekspedıtsııa kezinde tabylǵan.

- Shýanhe úńgirinde kóptegen sútqorektiniń qazba súıekteri anyqtaldy, olardyń ishinde alyp pandanyń súıekteri eń aıqyn tanylatyndary, — dedi Gýıchjoý provıntsııasy Ǵylym akademııasynyń Taýly resýrstar ınstıtýtynyń kishi ǵylymı qyzmetkeri Van Deıýan.

Zerttelgen qazbalar Gýıchjoý aýmaǵynda alyp pandalardyń 100 myń jyl burynnan birneshe ǵasyr burynǵa deıingi aralyqta ómir súrgenin dáleldeıdi. Bul aımaqtyń faýnalyq tarıhynda úzdiksiz hronologııalyq tizbek qalyptastyrady. Tis úlgilerin taldaý nátıjesinde kópshiligi bambýkpen qorektenetin bul aıýlardyń sýbjasóspirim nemese erte eresek damý kezeńinde bolǵany anyqtaldy.

Qazba ornynan tabylǵan kóptegen bas súıek pen aıaq-qol súıekteri ǵalymdarǵa bul túrdiń dene salmaǵynyń evolıýtsııalyq ózgerisin zertteýge múmkindik berdi. Zertteý nátıjesi boıynsha alyp pandalar eń úlken salmaǵyna Orta pleıstotsen dáýirinde jetken, sodan keıin olardyń dene salmaǵy birtindep azaıyp, qazirgi deńgeıine túsken.

Shýanhe úńgiriniń jalpy uzyndyǵy 439,7 shaqyrym. Bul ony Azııadaǵy eń uzyn, al álem boıynsha úshinshi orynda. 1980 jyldardyń sońynan beri munda 24 halyqaralyq birlesken ǵylymı ekspedıtsııa júrgizilgen.

Aıta ketelik SQO-da aýyl turǵyny mamonttyń súıekterin tapqan edi.