Azııada: Jaýyn saldarynan Soldat shatqalyndaǵy qar erip, oıyndar ýaqyty keshigýde
sp;ALMATY. 3 aqpan. QazAqparat. /Erbol Azanbek/ -Almaty oblysynyń Soldat shatqalyndaǵy shańǵy jáne bıatlon stadıonynda ótýi tıis oıyndar jaýyn saldarynan keshigýde.
Tańerteńgi saǵat 10.00-de erler arasynda erteń bolatyn 20 km-ge jeke júgirý jarystarynyń jattyǵýy bastalýy kerek bolatyn. Alaıda qardyń erip ketýine baılanysty jattyǵýlar áli bastalǵan joq. Jarys jolyna jaýapty mamandardyń aıtýynsha, jasandy qardy tym bolmasa, úsh gradýs aıazda jasaýǵa bolady, al qazir dalada 6 gradýs jylylyqty kórsetip tur. Qazirgi kezde eriktilerdiń kómegimen qar tasylyp, joldarǵa tóselýde. Buǵan baılanysty túste bastalatyn áıelder arasyndaǵy bıatlon saıystarynyń máselesi talqylanýda.
Esterińizge sala keteıik, búgin 13.30-da áıelder arasynda 15 shaqyrymdyq qashyqtyqqa jarys bastalýy kerek. Júldege negizgi úmitkerler - qazaqstandyq bıatlonshylar Marına Lebedeva men Elena Hrýstaleva, japondyq sportshy Sýdzýkı Fýıýko (Suzuki Fyoko) men osy Azıadanyń bıatlondyq sprınttegi chempıony Van Chýnlı (Wang Chunli).
Uıymdastyrýshylardyń aıtýynsha, jarys jolynyń bir bóligine qar tóselinse qashyqtyq kemip, aınalymdar azaıady, jarystar jalǵasyn tabady. «Eger 12.00-ge deıin bul másele sheshimin tappasa, jarystar kelesi kúnge jyljytylady, - deıdi uıymdastyrýshylar.
