Azııada COVID-19 juqtyrǵandar sany kóbeıip barady

ASTANA. KAZINFORM — COVID-19 Azııada qaıtadan belsendi túrde tarala bastady. Atap aıtqanda, bir apta ishinde Gonkongtaǵy ınfektsııa paıyzy bir jyldaǵy eń joǵary kórsetkishge jetti, dep habarlaıdy Bloomberg.

Gonkong densaýlyq saqtaý ortalyǵynyń málimeti boıynsha, aýyr jaǵdaılar, sonyń ishinde ólim-jitim jyl boıyna sharyqtaý shegine jetti. Aǵyndy sý úlgileri jáne aýrýhanaǵa jatqyzýdyń kóbeıýi vırýstyń 7 mıllıonnan astam halqy bar qalada belsendi túrde taralyp jatqanyn kórsetedi.

Sıngapýrdyń densaýlyq saqtaý mınıstrligi bir apta ishinde aýrý 28 paıyzǵa óskenin habarlady. Aýrýhanaǵa túsken naýqastardyń sany jeti kún burynǵydan 30 paıyzǵa joǵary. Aýrýdyń kóbeıýi adamdarda ımmýnıtettiń álsireýimen baılanysty.

Bloomberg málimetinshe, sońǵy birneshe aıda Azııanyń basqa qalalarynda da COVID-19 aýrýyn juqtyrý kóbeıgen. Sheneýnikter halyqty abaı bolýǵa jáne zamanaýı ekpelerdi alýǵa shaqyrady.

COVID-tiń qaıta oralýy soltústik jarty shardyń kóp bóliginde jazdyń bastalýymen sáıkes kelýi vırýsty tipti jyly aýa raıy jaǵdaıynda da halyqtyń úlken bóligi juqtyrýy múmkin ekenin bildiredi.

Eske sala keteıik, Aq úı koronavırýs indetiniń «shynaıy shyǵý tegi» týraly veb-paraqsha ashty.