Azııada 1 trln dollarlyq kompanııa paıda boldy

ASTANA. KAZINFORM — TSMC (Taıvan) naryqtyq kapıtalızatsııasy 1 trln dollardan asatyn birinshi azııalyq kompanııa boldy, dep habarlady Forbes.ru. 

TSMC naryqtyq kapıtalızatsııasy 29,82 trln jańa Taıvan dollaryn($1,013 trln) qurady.
Bul rette ınvestorlardyń jasandy ıntellekt dáýirinde kompanııanyń kóshbasshylyqty saqtap qalý qabiletine degen senimi mańyzdy ról atqarǵany atap ótilgen.

Goldman Sachs Group sarapshylarynyń aıtýynsha, TSMC óziniń tolyq jyldyq kirisiniń ósý boljamyn 2025 jyldyń ekinshi toqsanyndaǵy qarjylyq nátıjelerinde shamamen 30%-ǵa deıin kóterdi, óıtkeni ol ozyq tehnologııalarǵa optımıstik kózqaraspen qaraıdy, AI tutynýshylarynyń suranysy baıaýlaý belgilerin kórsetken joq.

TSMC-tiń 2025 jyldyń ekinshi toqsanyndaǵy kirisi sáıkes kezeńmen salystyrǵanda, 39 paıyzǵa artyp, 933,79 mlrd jańa Taıvan dollaryn ($31,7 mlrd) qurady. Taza paıda 61%-ǵa jýyq ósip, 398,27 mlrd Taıvan dollary ($13,5 mlrd) qurady.

Anyqtama úshin: Taiwan Semiconductor Manufacturing Company (TSMC) - álemdegi eń iri jartylaı ótkizgish (chıp) óndirýshi. Apple jáne Nvidia sııaqty tehnologııalyq alyptardyń negizgi jetkizýshisi.

Eske sala keteıik, Apple quny 3 trln dollardan asty.