Azııa jasóspirimder reıtıngisinde qos qazaqstandyq tennısshi kósh bastap tur
ASTANA. QazAqparat – Azııa tennıs federatsııasy 14 jáne 16 jasqa deıingi jasóspirimder arasynda jańartylǵan reıtıngini jarııa etti, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, 14 jasqa deıingi qyzdar arasynda astanalyq Albına Kákenova burynǵysha kósh bastap keledi. Onyń esebinde 3922 upaı bar.
Sondaı-aq aqtóbelik Eva Korysheva (4-raketka) men astanalyq Arıana Gogýlına (8-raketka) úzdik ondyqqa endi.
Al 16 jasqa deıingi qyzdar arasynda almatylyq Safına Safıýllına 720 upaımen birinshi orynǵa kóterildi. Almatylyqtar Polına Sleptsova altynshy, Aııa Nupbaı toǵyzynsha satyda. Bozbalalar arasynda astanalyq Kárim Temirlan 2-orynǵa jaıǵassa, almatylyq Tıhon Sorokın 7-satyǵa shyqty.
Eske sala keteıik, budan buryn qazaqstandyq tennısshiniń Grekııadaǵy týrnırde jeńimpaz atanǵanyn jazǵan bolatynbyz.
Sondaı-aq tennısten qazaqstandyq tóreshi kúmis belgi ıegeri atandy.
Mıhaıl Kýkýshkın Helsınkıdegi týrnırdiń shırek fınalyna shyqty.
Foto: ktf.kz
