«Azııa jańǵyryǵy» Astanada!
ASTANA. 13 maýsym. QazAqparat - «Azııa jańǵyryǵy» - túrli akrobattyq trıýkter men baǵdarlamalar kórsetetin álemniń talantty ártisterin jınaıtyn biregeı shoý.
Astana kúni merekesi qarsańynda jyl saıyn ótetin «Azııa jańǵyryǵy» tsırk óneriniń halyqaralyq festıvali dástúrge aınaldy. Kópultty tsırktiń kórkemdigi men erekshe kórinisin bıyl Reseı, Qyrǵyzstan, Ózbekstan, Qytaı, Mońǵolııa men Qazaqstan ártisteri kórsetedi.
Festıval baǵdarlamasyna Mońǵolııanyń epti de ónerli qyzdary, Qytaıdyń biregeı áýe gımnastary, Reseı, Qyrǵyzstan, Ózbekstan men Qazaqstannyń qaıtalanbas ári jarqyn tsırk kórinisteri engizilgen. Sondaı-aq úıretilgen aıý, ponı, lama, maımyl, jolbarys, kóńildi saıqymazaqtar men basqa da qyzyqtar kútýde.
Álemniń eń úlken tsırk qoıylymynyń biri 1-8 shilde aralyǵy saǵat 16.00-de Astanalyq tsırk ǵımaratynyń manejinde ótedi. Onda búkilálemdik festıvaldiń júldegerleri men laýreattary, maıtalman sheberler, tsırk áýletiniń urpaqtary qarsy qatysady.
Bıyl «Azııa jańǵyryǵy» tsırk óneriniń halyqaralyq festvıali 5 jyldyq mereıtoıyn atap ótedi.
