Azııa – Tynyq muhıty óńirinde erkin saýda jónindegi álemdegi iri kelisim kúshine endi

NUR-SULTAN. QazAqparat – Azııa-Tynyq muhıty óńiriniń 15 memleketi qol qoıǵan erkin saýda týraly iri kelisim senbi kúni 10 jyldan astam ýaqyt júrgizilgen kelissózderden soń kúshine endi, dep habarlaıdy QazAqparat ıtalııalyq Efe.com agenttigine silteme jasap.

Barlyq salany qamtıyn óńirlik ekonomıkalyq seriktestik quramyna Avstralııa, Brýneıa, Kambodja, Qytaı, Japonııa, Laos, Jańa Zelandııa, Sıngapýr, Taıland pen Vetnam kiredi. Al 1 aqpannan bastap, oǵan Ońtústik Koreıa da qosylady. Mıanma, Fılıppın, Indonezııa jáne Malaızııa sııaqty elderge ony ratıfıkatsııalaý kerek.

«Atalǵan kelisimniń kúshine enýi Sıngapýr men kelisimge qatysýshy elderdiń saýda jáne iskerlik baılanystaryna serpin beredi»,-dedi beısenbi kúni Sıngapýrdyń Saýda jáne ónerkásip mınıstri Gan Kım En.

Málimdemede ońtaılandyrylǵan talaptarǵa sáıkes, óńirdegi kásiporyndarǵa jaqsy jeńildikter jasalatyny aıtylǵan.