Azııa-Tynyq muhıty óńirinde 400 mln-ǵa jýyq adam kedeıshilikte ómir súredi
ASTANA. QazAqparat - Azııa-Tynyq muhıty óńirindegi (ATÓ) 400 mıllıonǵa jýyq adam nemese árbir onynshy turǵyn kedeılik sheginde ómir súredi.
Mundaı derekter Birikken Ulttar Uıymynyń Azııa jáne Tynyq muhıty óńirine arnalǵan ekonomıkalyq jáne áleýmettik komıssııasynyń (ESKATO) jańa baıandamasynda keltirilgen, dep habarlaıdy TASS uıymnyń shtab-páterinen.
Qujatta atalmysh máseleni sheshý úshin «aýmaqty qalalandyrý, kedeı qalalyq aýdandardy basqarýdyń tıimdiligin arttyrý, turaqty damýdy qamtamasyz etetin ınfraqurylymdy ınvestıtsııalaý» sııaqty tetikter kórsetilgen. Baıandamanyń avtorlyq quramyna enetin Azııa damý banki sarapshylarynyń baǵalaýyna sáıkes, ATÓ elderine jyl saıyn «ınfraqurylym klımatyn ózgertý úshin $1,7 trln ınvestıtsııa qajet».
ESKATO - ATÓ elderiniń áleýmettik-ekonomıkalyq damýyna yqpal etý máselelerimen aınalysatyn BUU-nyń iri óńirlik komıssııasy. 1947 jyly qurylǵan bul uıymǵa Azııa men Tynyq muhıty aýmaǵyndaǵy 53 memleket múshe bolyp tabylady. ESKATO-nyń shtab-páteri Bangkokta (Taıland) ornalasqan.
