Azııa-Tynyq muhıt aımaǵynda turaqty damý bolashaqta álemdik ekonomıkalyq ósim men turaqtylyqty yntalandyrady
ALMATY. Mamyrdyń 6-sy. QazAqparat /Erlik Erjanuly/ - Azııa-Tynyq muhıty aımaǵynda damýshy memleketterdiń ekonomıkalyq ósimi 2010 jyly Qytaı (9,5 paıyz) men Úndistannyń (8,3 paıyz) kóshbasshylyǵymen 7 paıyz deńgeıinde boljanyp otyr.
Bul búgin Almatyda "Azııa-Tynyq muhıt aımaǵyndaǵy ekonomıkalyq jáne áleýmettik jaǵdaıǵa sholý: 2010 jyl" dep atalatyn Azııa-Tynyq muhıty aımaǵyndaǵy ekonomıkalyq jáne áleýmettik keńes (ATMEÁK) jarııalanymynyń tanystyrylymynda aıtyldy, dep habarlaıdy QazAqparat.
"Daǵdarys Azııa-Tynyq muhıty aımaǵy elderiniń barlyǵy úshin barynsha ádil, ashyq jáne ornyqty damý sıpatyn qamtamasyz etý maqsatynda makroekonomıkalyq jańǵyrýǵa qaıta baǵyttalýǵa múmkindik ashty. Birqatar tepe-teńdikti joıý aımaqqa barynsha joǵary deńgeıde, óziniń jeke damýyna jáne aımaq ishinde ekonomıkalyq damýdyń jańa kózderin qurýǵa jaǵdaı jasaıdy. Azııa-Tynyq muhıt aımaǵyndaǵy turaqty damý bolashaqta álemdik ekonomıkalyq ósim men turaqtylyqty yntalanydrady", deıdi BUU-nyń erekshe muqtajdyqtary jónindegi arnaıy bóliminiń ekonomıkalyq máseleler jónindegi qyzmetkeri Elvıra Myńbaeva. Onyń aıtýynsha, bul sholýda daǵdarystyń naǵyz qyzǵan kezinde Azııa-Tynyq muhıt aımaǵy álemdegi ekonomıkalyq ósimniń eń joǵarǵy qarqynymen erekshelengeni atap ótilgen. Bul ósim aımaqtaǵy ekonomıkasy barynsha damyǵan memleketterde qabyldanǵan bıýdjettik-salyqtyq sharalar arqyly saqtalǵan bolatyn.
