Azııa týrnıri: Jasóspirim jeńil atletter Olımpıadaǵa alǵashqy joldamalar aldy
ASTANA. QazAqparat - Bangkokte jeńil atletıkadan ótken Azııa aımaqtyq irikteý týrnırinde úsh otandasymyz ІІІ Jasóspirimder Olımpıadasyna joldama aldy, dep habarlaıdy QazAqparat tilshisi.
QR Ulttyq olımpıada komıtetinen málim etkendeı, birinshi jarys kúninde qazaqstandyq úsh jeńil atlet joldama ıegeri atandy. Olar - 16 jastaǵy Efım Tarasov (400 m), Anastasııa Glýhareva (úsh qarǵyp sekirý) jáne 15 jastaǵy Aleksandra Zalıýbovskaıa (400 m).
Efım Tarasov bes joldama taratylǵan jarysta márege ekinshi bolyp jetip, alǵashqy lıtsenzııany jeńip aldy. Al qyzdarymyz toǵyz sport túri boıynsha synǵa túskenimen, joldamany Zalıýbovskaıa men Glýhareva ıelendi.
Lıtsenzııalyq jarys búgin jalǵasyn tabady.
