«Azııa týr» aıasynda 2016 jyly Qazaqstanda bes velojarys ótedi
ASTANA. QazAqparat - Halyqaralyq velosıpedshiler odaǵy (UCI) 2016 jylǵa arnalǵan velojarystar tizimin jarııalady.
2016 jylǵy velosıped maýsymynda Qazaqstanda «Azııa týr» (Asia Tour) jarysynyń kúntizbesine engen bes velojarys ótedi, dep habarlaıdy sports.kz.
Atap aıtqanda: 25.08.2016 - «Óskemen týry» (Tour of Oskemen), 1.2; 29.08.2016 - «Býrabaı týry» (Tour of Burabay), 1.2; 12.09.2016 - «Baıqońyr týry» (Tour of Baikonyr), 1.2; 01.10.2016 - «Qapshaǵaı týry» (Tour of Kapshagay), 1.1; 02.10.2016 - «Almaty týry» (Tour of Almaty), 1.1.
«Azııa týrdyń» 1.1 sanattaǵy velojarystarynda - «Qapshaǵaı týry» men «Almaty týry» jarystarynda Álemdik týr (WorldTeams) komandalary qatysa alady, biraq olardyń sany jalpy qatysýshylar, kásibı qurlyqtyq komandalar, qurlyqtyq komandalar men ulttyq quramalar sanynan 50%-dan artyq aspaýy tıis.
«Azııa týrdyń» 1.2 sanattaǵy velojarystarynda - «Óskemen týry», «Býrabaı týry», «Baıqońyr týry» jarystaryna kásibı qurlyqtyq komandalar, qurlyqtyq komandalar men ulttyq quramalar, aımaqtyq komandalar men klýbtardyń veloshabandozdary qatysa alady.
