Azııa tabıǵı apat aldynda: Qytaı, Úndistan, KHDR sý astyna ketti
ASTANA. 5 tamyz. QazAqparat - Azııanyń ońtústik-shyǵysynda tolastamaı jaýǵan jańbyrlar qatarynan birneshe eldi sý astynda qaldyrdy.
Másele Qytaı, Úndistan, Fılıppın, jáne Soltústik Koreıa týraly bolyp otyr.
Asa aýyr jaǵdaı KHDR-da qalyptasyp otyr. Onda sońǵy málimetter boıynsha, qaza tapqandardyń sany 170-ten asyp jyǵyldy. Taǵy 400 adam iz-túzsiz joǵalǵandar tiziminde. Taǵy 80 myń adam ózderiniń úılerin tastap ketýge májbúr boldy nemese olar baspanasyz qaldy. Bul týraly KHDR-dyń Ortalyq telegraf agenttigi habarlady.
Jaýyndar sondaı-aq aýylsharýashylyq daqyldardyń egistik alqaptaryn joıýda. Sheteldik mamandar aýa raıy jaǵdaıy eldiń azyq-túlikpen qamtamasyz etilýine keri áser etip, tipti ashtyqty týdyrýy múmkindigin atap ótýde.
Úndistanda tabıǵı apat eldiń soltúsigindegi Ýttarahand shtatyna anaǵurlym zardabyn tıgizdi. Onda sý basý men seldiń saldarynan 7 adam mert boldy, taǵy 37 adam iz-túzsiz jolǵalǵandardyń qatarynda. Sý basýdyń sebebi 2 tamyzdan beri toqtamaı jaýyp jatqan nóserli jańbyrlar boldy. Jergilikti ózender arnalarynan tasýda.
Bul provıntsııada kórikti jerler óte kóp, sáıkesinshe - týrıster men dindarlar da. Olar saıahattaryn toqtatýǵa májbúr. Sý basý transporttyq haosqa alyp keldi. Jergilikti bıliktiń málim etýinshe, sý tasqyndary birneshe qonaq úıdi, sondaı-aq júzdegen turǵyn úıdi shaıyp ketti.
Taǵy 8 adam tabıǵı apattan zardap shekken Qytaıda ajal qushty. 1 mln.-ǵa jýyq qytaılyq ózderiniń úılerin tastap shyǵýǵa májbúr boldy.
