Azııa parlamentaralyq forýmy ǵylym, tehnologııa jáne ınnovatsııa taqyrybyn talqylaıdy

ASTANA. QazAqparat - Bıyl Astanada ǵylym, tehnologııa jáne ınnovatsııa taqyryptary talqylanatyn Azııa parlamentaralyq forýmy ótedi. 26-27 qyrkúıek kúnderi Azııa elderiniń parlamenttegi depýtattary osy taqyrypqa qatysty ózekti máseleler men jańa usynystar aıtady degen úmit bar.

«Azııa elderiniń parlamentaralyq kezdesýi eń alǵash ret 2003 jyly ótken bolatyn. Sol kezdesýdiń qorytyndysy boıynsha, ǵylym, tehnologııa jáne ınnovatsııa máselelerine arnalǵan suraqtardy parlamentaralyq kezdesýlerde talqylaǵan jón bolady dep aıtyldy. Árıne, ǵylym ár memlekette árqıly damıdy, biraq ǵylym jalpy ómirge tikeleı qatysty dúnıe bolǵannan keıin jahandaný zamanynda ýnıfıkatsııa máselelerine zor mán bergen jón», - dedi búgin Ortalyq kommýnıkatsııalar qyzmetinde Azııa parlamentaralyq forýmy ótetin habarlaı otyryp,  QR Parlamenti májilisiniń depýtaty Beıbit Mamraev.

Májilis depýtaty habarlaǵandaı, forým barysynda 7 sessııa ótedi. Forýmǵa 25 eldiń Parlament ókilderi men sarapshylar, sondaı-aq, alty halyqaralyq uıymnyń músheleri qatyspaq. Forýmnyń maqsaty - ulttyq ınnovatsııa júıesin nyǵaıtý, ǵylymı-tehnıkalyq damý úshin júıelik motıvatsııa tetikterin qosý.