Azııa Para oıyndarynda Qazaqstannyń qorjynyna tórt júlde qosyldy
ASTANA. KAZINFORM — Qazaqstan para velosporttan Azııa Para oıyndarynda taǵy eki altyn jáne eki kúmis medal jeńip aldy, dep habarlaıdy Dene múmkindikteri shekteýli tulǵalarǵa arnalǵan sporttyq daıarlaý ortalyǵynyń baspasóz qyzmeti.
23 qazanda ótken tasjoldaǵy jarysta B klasynda erler arasynda 65 shaqyrymdyq qashyqtyqta Naıl Ermuhanbet pen onyń pıloty Rýslan Álıev 2 saǵat 1 mınýt 21 sekýnd nátıjemen altyn medal ıelendi.
Al Kırıll Ilıýkevıch pen pıloty Gleb Brýssenskıı 2 saǵat 11 mınýt 42 sekýnd nátıjemen kúmis júldeger atandy.
Áıelder arasynda 55 shaqyrymdyq qashyqtyqta Anastasııa Kalaýs pen pıloty Polına Bratchıkova 2 saǵat 5 mınýt 47 sekýnd nátıjemen altyn medal jeńip aldy.
Juldyz Qaınarova men pıloty Anjella Soloveva 2 saǵat 9 mınýt 43 sekýnd nátıjemen kúmis júldeger atandy.
Osylaısha, V Azııa Para oıyndarynyń jetinshi jarys kúninde Qazaqstan quramasynyń qorjynyndaǵy jalpy júlde sany 47 medalǵa jetti. Onyń ishinde 12 altyn, 15 kúmis jáne 20 qola medal bar.
Buǵan deıin otandyq sportshylar para ústel tennısinen qola medal ıelengenin jazǵanbyz.
