Azııa para oıyndarynda barlyq sport túrinen medal alýǵa úmittimiz – mınıstrlik
ІV jazǵy Azııa para oıyndary 22-28 qazan aralyǵynda Qytaıdyń Hanchjoý qalasynda ótedi. Qazaqstandyq para sportshylar sporttyń 14 túrinen baq synaıdy, dep habarlaıdy Kazinform.
«Elimizdiń ulttyq quramasy 2010 jyldan beri, osy kúnge deıin úsh Azııa para oıyndaryna qatysyp, 64 medalge qol jetkizdi. Onyń ishinde 12 altyn, 23 kúmis, 29 qola medal. Memleketter arasyndaǵy medaldyq esep boıynsha paralımpıadalyq jarystarda 2010 jyly 23-oryn, 2014 jyly 11-oryn, 2018 jyly 13-oryn aldy», - dedi Týrızm jáne sport vıtse-mınıstri Sársen Quranbek Ortalyq kommýnıkatsııalar qyzmeti alańynda ótken baspasóz máslıhatynda.
Atalǵan básekede Parıj paralımpıadasyna joldama sarapqa salynady.
«Ulttyq qurama Hanchjoýdaǵy Azııa para oıyndaryna qatysatyn barlyq sport túrinen medal alýǵa úmitti. Bul qatarda joǵary nátıje kórsetedi degen para dzıýdo, para jeńil atletıka, para paýerlıftıng, para júzý sııaqty sport túrlerin erekshe atap ótýge bolady», - deıdi ol.
