Azııa Para oıyndary: Qazaqstan qorjynynda qansha medal bar
ASTANA. KAZINFORM — Qazaqstan quramasy Aıchı-Nagoıada (Japonııa) ótip jatqan Azııa Para oıyndarynda taǵy on medal enshiledi.
Anastasııa Kalaýs áıelder arasynda 4000 metrge jekeleı iz kesý jarysynda kúmis júldege ıe boldy. Dál osy qashyqtyqta erler arasynda Kırıll Ilıýkevıch qola medalǵa ıe boldy.
Dzıýdodan Álfııa Tilekqabyl J1 sanatynda 52 kelige deıingi salmaqta úshinshi oryn aldy.
Elaman Jolaman ıadro serpýden F35 sanatynda jeńis tuǵyrynyń ekinshi satysyna kóterildi.
Para paýerlıftıngten Tursynaı Qabyl 41 kelige deıingi salmaqta kúmiske ıe boldy. Al erler arasynda Stanıslav Shakıev 59 kelige deıingi salmaqta qola júldeni qanjyǵasyna baılady.
Júzýden Dıas Kenjebek S10 sanatynda 100 metrge erkin stılde júzýden kúmis medal jeńip aldy. Sondaı-aq ulttyq qurama 20 upaılyq sanatta 4h50 metrge keshendi júzýden aralas komandalyq saıysta ekinshi oryn aldy.
Roman Potapov S11 sanaty boıynsha 100 metrge shalqalaı júzýden qola aldy. Vıktor Volkov S13 sanaty boıynsha 100 metrge erkin stılde júzýden úzdik úshtikti túıindedi.
Osylaısha, ulttyq qurama qorjynynda úsh altyndy qosa eseptegende 15 medal bar.
