Azııa oıyndarynyń saltanatty ashylý rásimine kórermenderge ruqsat etilmegen zattardy alyp kirýge tyıym salynady - ákimdik
ASTANA. 24 qańtar. QazAqparat /Gúlmıra Álıakparova/ - 7-Qysqy Azııa oıyndarynyń saltanatty ashylýyna «Astana-Arena» stadıonyna kórermenderge ózderimen birge alkogoldi ishimdikterdi,
ystyq shaı quıylǵan termos sııaqty artyq zattardy alyp kirýge tyıym salynady. Bul týraly QazAqparat Agenttiginiń tilshilerine bergen suhbatynda Astana qalasynyń Kásipkerlik jáne ónerkásip basqarmasy bastyǵynyń mindetin atqarýshy Rysgúl Qaýǵabaeva málim etti.
R.Qaýǵabaevanyń aıtýynsha, kúzet qyzmeti stadıonǵa kireberis esikterde tekseris júrgizetin bolady. Sondyqtan, artyq zattar tárkilenedi. Al kórermender sharanyń bastalýyna deıin eki-úsh saǵat buryn shaqyrylyp otyrǵandyqtan olarǵa stadıonnyń ishinde ystyq shaı men fast-fýd usynylmaq. Ol úshin ákimdik jekemenshik tórt iri kásipkerliktiń kómegine júginip otyr.
R.Qaýǵabaevanyń sózine qaraǵanda, birinshi qajettiliktegi - sháı, sendvıch jáne toqashtar kelisilgen jáne birdeı baǵamen satylatyn bolady. «Bul baǵytta qazir jumystar júrgizilip jatyr. Al shokolad, shyryn jáne taǵy basqalardyń baǵasy kásipkerlerdiń óz enshisinde. Biraq syralar men ishimdikter satylmaıdy», - dep anyqtady ol.
Turaqty saýda oryndarynan bólek, óz ónimderin stadıonnyń ishinde aralap júrip usynatyn jyljymaly satýshylar bolady. «Kınopark» jelisi qyzmettiń bul túrine 120-ǵa jýyq adamdy jumyldyrmaq. Kásipkerler usynatyn taýarlar Sanıtarlyq epıdemologııalyq departamentimen tolyǵymen kelisiledi.
Stadıonda quıylatyn sháı Azıadanyń sımvolıkalary bar staqandarǵa, al tiske basarlar osyndaı qaǵaz qoraptarǵa salynyp beriledi.
Basqarma ókili naqtylaǵandaı, Azııa oıyndarynyń ashylý rásimine arnaıy shaqyrylyp otyrǵan shet el prezıdentteri men ózge de VIP qonaqtarǵa qyzmet kórsetý máselesimen QR Prezıdenti Іs basqarmasy men «Rıksos» qonaqúıi aınalysýda.
Fast-fýdtan bólek stadıonda kádesyılar da satylmaq. «Bul jumyspen Oıyndardy uıymdastyrý komıtetiniń Atqarýshy dırektsııasy aınalysty. Tenderdi utyp alǵan «Ádemi-aı» kompanııasy Azıadaǵa qatysty ártúrli kádesyılardy ázirledi. Bazarlyqtardyń keń túrin usyný úshin qaladaǵy ózge de kásipkerlerdi saýda jasaýǵa tartyp otyrmyz», - dedi ol.
Sondaı-aq R.Qaýǵabaeva, Qysqy Azııa oıyndaryn tamashalaý úshin elordaǵa at basyn tireıtin qonaqtar ornalastyrylatyn 50 qonaqúı men olarǵa qyzmet kórsetý úshin aldyn ala iriktep alynǵan meıramhanalarda as máziri úsh tilge, qazaq, orys jáne aǵylshyn tilderine aýdarylyp, mázir tizimi qazaqtyń ulttyq taǵamdarymen keńeıtilgenin atap ótti.
Eske salaıyq, Azıada qonaqtary úshin elordadaǵy 150 qonaqúıdiń 50-i ázirlenip jatyr. Onyń 8-ine - sportshylar, 9-na - buqaralyq aqparat quraldary, 37-ne jankúıerler men týrıster jaıǵasady. VIP meımandar úshin «tórt» jáne «bes» juldyzdy meımanhanalardan taǵy 156 oryn daıyndalýda.
