Azııa oıyndarynyń fakeli estafetanyń Astanadaǵy kezeńinde morjdarmen birge Esil ózenine túsetin bolady - S.Quranbek

Bul týraly búgin QazAqparat tilshisine bergen suhbatynda Azııa oıyndary Alaý estafetasy dırektsııasy basshysynyń orynbasary Sársen Quranbek aıtty.

S.Quranbektiń sózine qaraǵanda, Alaý estafetasynyń elordadaǵy kezeńine qatysýshy alaýgerlerdiń sany ózge óńirlermen salystyrǵanda eń kóp - 100 adam. Sáıkesinshe, onyń júrip ótetin joly da eń uzaq - 15,4 shaqyrym.

Alaýgerler Azıada alaýyn Astananyń eń kórikti jerlerimen alyp ótetin bolady. Estafetanyń birinshi kezeńi saǵat 12.00-de «Qazaq eli» monýmenti men Beıbitshlik jáne kelisim saraıynyń aldyndaǵy alańnan bastalyp, «Haıvıll» Turǵyn úı kesheni, «Arqar» M-3 kópiri, mınıstrlikter úıi, Aq Orda, «Báıterek» monýmenti, Kólik jáne kommýnıkatsııa mınıstrligi, «Nur Astana» meshiti ǵımarattary ornalasqan kóshelermen júrip ótedi de Memlekettik rámizder alańyna kelip toqtaıdy.

Estafeta tehnıkalyq úzilisten keıin Astana ákimdigi ǵımaratynyń aldyndaǵy alańda saǵat 15.30-da qaıta jalǵasady. Alaýgerler Abaı dańǵyly arqyly Respýblıka kóshesine shyǵyp, Esil ózeniniń ústine túsedi. Odan keıin «Redısson SAS» qonaqúıiniń aldyndaǵy kópirge shyǵyp (Turan dańǵyly), «Han Shatyr» saýda, oıyn-saýyq keshenine kelip toqtaıdy.

Astanalyq estafetany tamashalaýǵa barlyǵy 50 myńǵa jýyq kórermen jınalady dep kútilýde.

S.Quranbek atap kórsetkendeı, veloshabandoz Aleksandr Vınokýrov pen belgili baıker Dmıtrıı Petrýhın ózderine belgilengen mejeni eki dóńgelekti serikterimen júrip ótetin bolady. Budan ári alaý qutysy shańǵyshylardyń, konkımen júgirýshiler men Esil ózenine súńgıtin morjdardyń qolyna kóshpek.

Alaýgerlerdiń qatarynda gımnasshy Anna Alıabaeva, hokkeıshi Talǵat Jaılaýov, konkımen júgirýshi, jattyqtyrýshy Radık Bıkchentaev, skrıpkashy Aıman Musaqojaevalar bar.

S.Quranbektiń aıtýynsha, respýblıka boıynsha iriktep alynǵan eń jas alaýger, 13 jasar Іlııas Jandos Astanada júgiredi. «Batyr bala Іlııas, Azıada Alaýyn bas qalada alyp ótý qurmetine sýǵa ketip bara jatqan qyzdy ólim aýzynan arashalap qalǵany úshin ıe boldy», - deıdi ol.

Al jasy eń úlken alaýger, búginde toqsandy alqymdaǵyn belgili qalamger, halyq jazýshysy, Uly Otan soǵysynyń ardageri Ázilhan Nurshaıyqov Aq Azıada Alaýyn qańtardyń 25-26 kúnderi Óskemenge jetetin estafetada kóterip júrmek.