Azııa oıyndarynyń alǵashqy kezeńinde voleıboldan Qazaqstannyń áıelder quramasy Maldıvy quramasyn oısyrata utty
ALMATY. 19 qarasha. QazAqparat /Erlik Erjanuly/ - Qytaıdyń Gýanchjoý qalasyndaǵy XVI Azııa oıyndarynda voleıboldan áıelder arasyndaǵy jarystyń alǵashqy kezeńin qazaqstandyqtar sátti bastady.
"V" tobynda óner kórsetip jatqan Nellı Şerbakova jattyqtyratyn ulttyq qurama keshe Maldıvydan kelgen qurdastaryn 3:0 (25-7; 25-6; 25-3) esebimen oısyrata utty. Olar ekinshi oıynyn búgin endi Taıpeı sportshylarymen ótkizedi. Taıpeılikter keshe japondyqtarǵa (25-19; 17-25; 26-24; 17-25; 15-17) ese jibergen bolatyn. Al maldıvylyq voleıbolshylar endi keshe bir kúndik úzilis alǵan Úndistan quramasymen kezdesedi. Jalpy Azııa oıyndarynyń alǵashqy kezeńi 22 qarasha kúni aıaqtalady. Bul synnan keıin 23-27 kúnderi negizgi saıystarda komandalar júldeli oryndardy sarapqa salatyn bolady.
