Azııa oıyndarynyń alaý estafetasyn qabyldaý jaıy talqylandy - Qyzylorda
QYZYLORDA. Maýsymnyń 15-i. QazAqparat /Rýslan Igilik/ - Keshe oblys ákimdiginiń májilis zalynda 7-shi qysqy Azııa oıynyndaǵy alaý estafetasynyń jergilikti kezeńderin uıymdastyrý men ótkizý máselesine arnalǵan májilis bolyp ótti.
Onda «Azıada-2011» qysqy oıynynyń mán-mańyzy aıtylyp,, atqarylýy tıis negizgi mindetter sóz boldy.
Aldaǵy jyly ótkiziletin bul dodada sporttyń 11 túrinen jarys ótkiziledi. Oǵan aldyn ala daıyndyq jumystary qazirden bastap júrgizilýde.
Májiliste Astana qalasyndaǵy estafeta dırektsııasy bastyǵynyń orynbasary Sársen Quranbek keler jylǵy qańtardyń 15-de Qyzylorda qalasyna 7-shi qysqy Azııa oıynynyń alaý estafetasy jetkiziletinin málimdep, osyǵan baılanysty daıyndyq sharasyn tııanaqty ótkizý qajettigin alǵa tartty.
Jıyn barysynda oblystyq týrızm jáne sport basqarmasynyń bastyǵy Sadyq Mustafaev alaý estafetasynyń júrý baǵytyn jan-jaqty baıandap, ony abyroımen atqarýǵa senim bildirdi.
